पाँच थुङ्गा

                           पाँच थुङ्गा

सजाएको छ भने सपना जिन्दगी पृथक लाग्छ 

उमङ्ग यदि भए मनमा जिन्दगी अथक लाग्छ 

तत्काल प्राप्तिको आशमा हरेस खान्छ मान्छे

जीउने कला भए जिन्दगी पीडामा पनि सार्थक लाग्छ । १

भेटिन्नौ तिमी अचेल तैपनि तिम्रो आश लाग्छ 

जति टाढा माया गाढा सम्झनाको प्यास लाग्छ

बुझ्नेले कुरा नबुझेपछि मायाको परिभाषा 

तिम्रो अनुपस्थितिमा वसन्त पनि उदास लाग्छ । २

पूरा हुन्नन् कल्पनाले मनका सारा चाहना

हार्छ त्यसले जीवन जो बनाउँछ बहाना

हरदिन नाप्दै जाऊ यात्रा यो जिन्दगीलाई

आफ्नै कर्मले दिन्छ सफलताको शुभकामना । ३

त्यो  नभए  यहाँ  कहाँ  कसको  आँट  हुन्छ

भए  त्यो  जिन्दगी   हराभरा  फाँट   हुन्छ 

हुनेकै  पछि  लाग्ने  स्वार्थी   दुनियाँ   यो

ऊ पनि आफन्त हुन्छ जब खल्तीमा गाँठ हुन्छ । ४

इमान्दार थिए माक्र्स र लेनिन ‘कम्युनिस्ट’ भए

बेइमान थिए संशोधनबादीहरु ‘कम निष्ठा’ भए

सिद्धान्त र व्यवहारको फरक नबुझ्ने मेरा प्रिय नेताहरु

समयसँगै  रुपान्तरण भएर ‘कमाउनिस्ट’ भए । ५

                                                                       
                                                                          पनौती — १२