शिलबन्दी (Tender) बोलपत्रको को सूचना २०८२/०५/२०

काठमाडौं विश्वविद्यालय हाइ स्कुल
शिलबन्दी बोलपत्र (Tender) को सूचना
(प्रकाशित मिति: २०८२/०५/२०)

यस काठमाडौं विश्वविद्यालय हाइ स्कुलका विद्यार्थी तथा कर्मचारीहरू दैनिक काठमाडौं–धुलिखेल तथा बनेपा भ्यालीमा आवतजावत गर्न आवश्यक पर्ने उल्लेखित सवारी साधन मासिक भाडामा उपलब्ध गराउन इच्छुक रजिस्टर्ड फर्म/कम्पनीहरूले विद्यालयको वेबसाइट www.kuhs.edu.np मा उल्लेख गरिएबमोजिमका कागजातहरू संलग्न गरी २०८२/०५/२० मा राष्ट्रिय दैनिक पत्रिकामा प्रकाशित भएको मितिले १५औँ (पन्ध्रौँ) दिनको १२:३० बजेभित्र खरिद गरी १:०० बजेभित्र यस विद्यालयमा गोप्य शिलबन्दी बोलपत्र पेश गर्न सम्बन्धित सबैको जानकारीका लागि यो सूचना प्रकाशित गरिएको छ। बोलपत्र फाराम रु १०००/- (एक हजार) पछि फिर्ता नहुने गरी नेपाल इन्भेस्टमेन्ट मेगा बैंक, बनेपा शाखा, काभ्रेमा रहेको यस विद्यालयको खाता नं. ००५०५०३०२५०१२२ मा जम्मा गरेको सक्कल भौचर संलग्न गरी, यस विद्यालयको चौकोटबाट लिन सकिनेछ।

आवश्यक सवारी साधनको विवरण

प्रधानाध्यापक
काठमाडौं विश्वविद्यालय हाइस्कुल, चौकोट, काभ्रे।

शर्तहरू:

• आफूले कबोल गरेको कबोल रकमको वार्षिक हुन आउने कुल अङ्कको ५ (पाँच) प्रतिशत रकम नेपाल इन्भेस्टमेन्ट मेगा बैंक, बनेपा शाखामा का.वि. हाइ स्कुलको नाममा रहेको खाता नं. ००५०५०३०२५०१२२ मा जम्मा गरेको बैंक भौचर वा कम्तीमा १३ महिनाको बैंक ग्यारेन्टीमध्ये कुनै एकको सक्कल बोलपत्रसाथ पेश गर्नुपर्नेछ।
• काठमाडौँका विभिन्न रूटहरूबाट धुलिखेलका लागि साथै बनेपा भ्यालीमा ओहोरदोहोर हुने गरी बसहरू चल्नेछन्। विभिन्न रूटहरू भए तापनि समग्रमा कबोल रकम प्रति महिना प्रति बसको डिजेल तथा सम्पूर्ण करसहित अङ्क र अक्षरमा दिनुपर्नेछ। रूटहरूको विवरण बोलपत्र फाराममा उपलब्ध हुनेछ।
• बस सञ्चालनको समय आवश्यकताअनुसार प्रशासनले तोकेबमोजिम हुनेछ।
• प्राप्त आवेदनहरू आंशिक वा पूर्ण रूपमा स्वीकृत वा अस्वीकृत गर्ने सम्पूर्ण अधिकार विद्यालयमा निहित रहनेछ।
• उल्लेखित सङ्ख्यामा आवश्यकताअनुसार थपघट हुन सक्नेछ।
• भ्याटमा दर्ता भएका फर्म/कम्पनीहरूमध्ये आवश्यक सङ्ख्या उपलब्ध गराउन सक्नेलाई प्राथमिकता दिइनेछ।
• आवेदनमा उल्लेख भएको कबोल रकममा नेपाल सरकारको नियमानुसार लाग्ने सम्पूर्ण कर कट्टा हुनेछ।
• अन्य शर्तहरू विश्वविद्यालयको नियमानुसार हुनेछ।

आवश्यक कागजातहरू:

• रजिस्टर्ड फर्म/कम्पनीको प्रमाणपत्रको प्रतिलिपि।
• नवीकरणसहितको फर्म दर्ता प्रमाणपत्रको प्रतिलिपि।
• सञ्चालन हुने बसहरूको ब्लुबुकको प्रतिलिपि।
• सञ्चालन हुने बसहरूमा यात्रा गर्ने यात्रुको बीमाको प्रतिलिपि।
• मूल्य अभिवृद्धि कर (VAT) दर्ता प्रमाणपत्रको प्रतिलिपि तथा नियमानुसार पछिल्लो पटकको कर चुक्ता गरेको प्रमाणपत्रको प्रतिलिपि।
  
  

काठमाडौं विश्वविद्यालय हाइ स्कुल
चौकोट, काभ्रे
सवारी साधन मासिक भाडामा उपलब्ध सम्बन्धी शिलबन्दी बोलपत्रको कबोल फाराम

(* अङ्कित विवरण अनिवार्य)

आवेदन दिने आधिकारिक व्यक्तिको नाम: 
आवेदन दिने आधिकारिक व्यक्तिको हस्ताक्षर: 
रजिस्टर्ड फर्म/कम्पनीको छाप: 
सम्पर्क ठेगाना: 
सम्पर्क नम्बर: 
वैकल्पिक सम्पर्क नम्बर: 
इमेल: 

रूटहरू (दैनिक)